Teo, 2 de febreiro do 2021 – O pasado domingo a Policía Local de Teo denunciou a varias persoas que participaban nunha festa ilegal.
Dentro do traballo de control de cumprimento da restricións sanitarias a Policía Local de Teo descubriu a varias persoas que se saltaran o confinamento e que se reuniran sen ser conviventes.
Festa en Oza
O pasado domingo pola tarde a Policía Local recibiu o aviso dunha reunión ilegal na parroquia de Oza. Os axentes descobren ao chegar ao lugar indicado varios vehículos ao carón dunha vivenda polo que procederon a comprobar que non eran veciños de Teo.
Foron identificados e denunciados ata dez adultos acompañados de menores. Todos recoñeceron ante a Policía que se xuntaran para celebrar un cumpreanos e que non eran de Teo.
Dende a policía local destácase o bo nivel xeral de cumprimento da veciñanza pero alertan de que este tipo de comportamentos non se poden tolerar e que se manterán vixiantes.