Ames, 30 de xuño do 2017 – O PP de Ames pide saber as razóns aducidas polo Banco Santander para desistir da xestión dos recibos da auga despois de conseguir en concurso a adxudicación.
Despois de que o primeiro intento de licitación do servizo de xestión de recibos da auga en Ames quedara deserta no pasado mes de decembro era adxudicado ao Banco Santander. A adxudicación foi realizada por un procedemento negociado sen publicidade no que se convidou a participar a tódalas entidades con oficinas no municipio.
O proceso está vinculado aos novos pregos nos que a concesionaria, Espina y Delfín, emite os recibos e os ingresos chegan a unha única conta no banco elixido o que permitiría ter un control claro de como funciona o servizo de cara a unha futura municipalización.
O PP de Ames explica que unha vez firmado o contrato en xaneiro de este ano “o Tripartito puxo en coñecemento dos grupos da oposición a entidade financeira á que se adxudicou o servizo, decisión que foi ben recibida pola totalidade dos membros da corporación, a pesar que se puxo de manifesto a necesidade de que o Banco Santander abrise unha sucursal no núcleo urbano de Bertamiráns, dada a relevancia do servizo en cuestión”. Pero según o PP o que non lles transmitiu o equipo de goberno e que un mes despois desistiu da adxudicación “apenas un mes máis tarde da firma do contrato, o Banco Santander desistiu da execución do mesmo, mediante escrito de de data 22 de febreiro de 2017, alegando a imposibilidade de prestar o servizo tal e como está descrito nos Pregos de contratación. O 16 de marzo de 2017 resólvese o contrato alegándose un incumprimento substancial do contrato; incumprimento substancial dun contrato que aínda non comezou, dado que o inicio da prestación do contrato do ciclo da auga atopábase suspendido a consecuencia dos recursos presentados”.
O PP de Ames reclama coñecer os motivos aducidos pola empresa “ante unha primeira licitación que quedou deserta, e esta segunda da que o adxudicatario desistiu, o Tripartito considera máis que xustificado a aprobación dun engadido ao convenio de prestación de servizos en materia de Tesourería e iniciou contactos coas entidades financeiras, resultando interesado o Banco Sabadell, quen realizou observacións que se incorporaron ao convenio de colaboración definitivo asinado este 22 de xuño de 2017. Garantida a prestación dun servizo esencial por parte da nova entidade financeiras, o Grupo Municipal Popular solicitou ao goberno local información sobre causar ou causas concretas e específicas alegadas pola entidade financeira Banco Santander para desistir do contrato e que observacións se incorporaron ao contrato para que fora aceptado polo Sabadell”.