Premio Cineuropa 2018 a Isaki Lacuesta e estreas como Tigre de Silvina Schnicer na segunda xornada de Cineuropa

0

Compostela, 8 de novembro do 2018 – Nesta segunda xornada do festival, Cineuropa renderá unha necesaria homenaxe ao cinema indomeable e transfronteirizo de Isaki Lacuesta outorgándolle o primeiro dos tres premios desta edición. 

Imaxe de Toni Verd

A cerimonia de entrega do premio terá lugar ás 20:15 h. no Teatro Principal. O acceso é gratuíto previa recollida de convite no despacho de billetes da mesma sede. Isaki Lacuesta escribiu e dirixiu 9 longametraxes, o último dos cales Entre dos aguas recibiu a Cuncha de Ouro no Festival Internacional de Cine de San Sebastián. Entre outros premios á súa traxectoria, recibiu o Premio Nacional de Cinematografía da Generalitat de Catalunya (2012), o Premio Ciutat de Barcelona (2011), o Premio Sant Jordi (2002, 2017), e o Premio Eloy de la Iglesia (2010, Festival de Málaga).

As súas películas proxectáronse en festivais de todo o mundo e en centros artísticos tan prestixiosos como o MOMA de Nova York, a National Gallery de Washington (que lle dedicou unha retrospectiva completa en 2013), o Lincoln Center e o Anthology Filme Arquives (Nova York). Este mes de novembro, o Centro Georges Pompidou de París dedicaralle unha retrospeciva completa á súa obra. Na actualidade está a preparar o documental Suena una llamada codirixido xunto a María San Miguel, en fase de preprodución.


 Entre dos agusa de Isaki Lacuesta

A xornada

Hisotira de Amor de Sonja Prosenc

Á parte das proxeccións no Teatro Principal, a programación deste xoves no marco de Cineuropa ampliarase ao Salón Teatro e aos Multicines Compostela con varios filmes pertencentes ás diferentes seccións do festival. Ás 16:30 h. no Salón Teatro e ás 17:45 h. no Principal, proxectaranse dous documentais dedicados a dous cineastas inesquecibles: Ata tu arado a una estrella, de Carmen Guarini, constrúe un sólido retrato dese humanista que foi Fernando Birri, un dos pais do Novo Cinema Latinoamericano. Pola súa banda, Bergman: a year in a life, de Jane Magnusson, conmemora o centenario do nacemento do lendario cineasta sueco Ingmar Bergman.

Tigre de Silvina Schnicer e Ulises Porra Guardiola

Ás 18:15 h. dará comezo Ojos de madera no Salón Teatro, un fermoso e escuro conto cinematográfico para adultos de Germán Tejeira e Roberto Suárez que segue a Víctor, un neno afogado nas súas turbias visións que o achegarán á tolemia. O filme será presentado polo mesmo protagonista, Pedro Cruz, con quen poderemos conversar.

Outras grandes estreas do día son Tigre (Multicines Compostela ás 19:30 h.), de Silvina Schnicer e Ulises Porra Guardiola, un filme de atmosfera exuberante e húmida próxima á de La ciénaga de Lucrecia Martel; A land Imagined, de Yeo Siew Hua (ás 20 h. no Salón Teatro), Leopardo de Ouro no Festival Internacional de Cine de Locarno; a suxestiva ópera prima da eslovena Sonja Prosenc Historia de amor (no Salón Teatro ás 21:45 h.); e Las hijas del fuego, o último filme da arxentina Albertina Carri —de quen o ano pasado puidemos ver Cuatreros neste mesmo festival—, unha historia realizada por un equipo totalmente composto por mulleres libérrimamente dedicado ao pracer, á diversión e á procura dun grupo de mulleres na procura da súa propia erótica.

Ojos de madera de Germán Tejeira e Roberto Suárez

Proxeccións da xornada 

TEATRO PRINCIPAL

16:00 EL CRIMEN DE CUENCA* Pilar Miró

17:45 BERGMAN: A YEAR IN A LIFE Jane Magnusson

20:15 CERIMONIA DE ENTREGA DO PREMIO CINEUROPA A ISAKI LACUESTA – ENTRE DOS AGUAS** Isaki Lacuesta

23:15 LAS HIJAS DEL FUEGO Albertina Carri

SALÓN TEATRO

16:30 ATA TU ARADO A UNA ESTRELLA Carmen Guarini

18:15 OJOS DE MADERA Germán Tejeira e Roberto Suárez, con presentación e coloquio.

20:00 A LAND IMAGINED Yeo Siew Hua

21:45 ZGODOVINA LJUBEZNI / HISTORIA DE AMOR Sonja Prosenc

MULTICINES COMPOSTELA (SALA 2)

17:30 UN SINGE EN HIVER / UN MONO EN INVERNO* Henri Verneuil

19:30 TIGRE Silvina Schnicer e Ulises Porra Guardiola

21:15 JETZT.NICHT. Julia Keller

22:45 MACUNAÍMA* Joaquim Pedro de Andrade

MULTICINES COMPOSTELA (SALA B)

22:00 LA GRANDE BOUFFE / O GRAN BANQUETE* Marco Ferreri

Nota: as películas marcadas cun asterisco son con entrada libre e as que están marcadas con dous asteriscos son de balde previa retirada de convite.

 

Share.

Leave A Reply

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies
Social media & sharing icons powered by UltimatelySocial