O Psoe leva ao Parlamento a situación do Cegadi

0

Compostela, 11 de outubro do 2017 – O Psoe ven de preguntar a Xunta de Galicia polos planes para o Centro Galego de Desenvolvemento Integral, Cegadi, situado en Compostela e programado hai 10 anos.

Os socialistas explican no texto da pregunta que o Cegadi, situado no barrio compostelá de Salgueiriños, programouse no ano 2007 co obxectivo de ser un centro de vangarda, pioneiro no Estado para o tratamento integral da discapacidade. O complexo está preparado para facilitar a mobilidade e tratamento de persoas dependentes, e dotado de múltiples espazos e servizos, todos encamiñados á promoción da autonomía persoal de persoas con discapacidades físicas e a súa integración e desenvolvemento social.

O Cegadi ofrecerá asistencia para persoas dependentes, aínda que, nos seus locais haberá locais administrativos, formativos, de rehabilitación, de investigación e de recursos de apoio. A previsión era que cando estivera a pleno rendemento podería atender a un total de 162 persoas con discapacidade ao día: setenta das súas prazas serían para formación; 60 destinaríanse para habilitación funcional, emocional e psicosocial; e as 32 restantes para residencia. Ademais, o proxecto contemplaba unha zona de cafetería e de comedor, que estaría aberta ao público da cidade.

Os socialistas din tamén que o centro segue pechado na actualidade malia que as obras,supuxeron un investimento de máis de 13 millóns de euros. Na Estratexia galega sobre discapacidade 2015-2020, continuación e consecuencia do primeiro plan, non se fai mención á apertura do Cegadi como parte dos obxectivos para executar neste período.

O Psoe pregunta ao executivo galego porque motivo o Cegadi sigue pechado, a que se debe o retraso na posta en marcha do centro, cando está previsto que abra o Cegadi, que modelo de xestión terá, si algunha entidade solicitou facerse cargo da xestión dos espazos do centro, e finalmente que número total de empregados e empregadas públicas formarán parte do cadro de persoal do Cegadi.

O documento está firmado polos deputados Noela Blanco Rodríguez, Xoaquín Fernández Leiceaga e Julio Torrado Quintela.

Share.

Leave A Reply

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies