A Baña, 9 de novembro do 2018 – O Psoe de A Baña presentará unha moción no vindeiro pleno reclamando unha rebaixa na taxa do lixo pola deficiencias no servizo.
Na exposición de motivos o Psoe explica que na recollida de residuos dos colectores amarelos, e a xestión do punto limpo que realizaba a empresa Soil Recovery, deixouse de facer ao entrar esta en quebra. Detectado o problema, dende o Partido Socialista, solicitouse en varias ocasión que se atallara o asunto o antes posible, como fixeron outros concellos, co fin de minimizar as molestias que se estaban a ocasionar á veciñanza. A falta de solución provoca que desde hai dous meses estean os colectores amarelos a rebordar coa conseguinte problemática hixiénica e medio ambiental, que orixina o ter ao lado das vivendas bolsas de lixo polo chan.
Os socialistas lembran tamén que A Baña é dos concellos cunha taxa de lixo máis alta, 73.13 € fronte os 59 € que paga Negreira ou os 65 € que paga Santa Comba.
A proposta que se levará a pleno reclama que o interventor calcule o porcentaxe a bonificar, de acordo os días que non houbo servizo. Que se modifique a ordenanza fiscal reguladora da taxa por actividades e servizos relacionados coa hixiene urbana no capítulo 3º artigo 7 (exencións e bonificacións), e se contemple a bonificación correspondente.