Reclaman axudas para o comercio local de Ames

0

Ames, 22 de marzo do 2019 – O Partido Popular de Ames ven reclamar que ao goberno municipal que convoque as axudas ao comercio local que levan desde o 2016 sen abrirse.

O PP explica que pese a necesidade do comercio local de recibir algún tipo de axudas a partida destinada a esta cuestión baixa nos orzamentos ata un 62%. A cuantía no ano 2017 era de 40.000 euros destinada a aboar as convocadas no 2016, nos orzamentos aprobados a pasada semana este importe baixa ata os 25.000.

Os populares recoñecen que ano tras ano o Concello destina 3.400€, repartidos entre os premiados, para fomentar o consumo no comercio local nas festas de Nadal pero esta cantidade é para eles mais ben escasa, tendo en conta o número de comercios que hai actualmente tanto no Milladoiro como Bertamiráns. Pero realmente, e buscando desestacionalizar, a subvención realmente importante para o pequeno comercio estaba, nun pasado, nas subvencións de promoción económica ás asociacións, que contaban cun orzamento de 34.000€, na que se incluían cuestións como a comunicación, publicidade, animación ou exposición entre outras; e “infraestrutura e equipamento”, que incluía a adquisición de mobiliario, software, páxinas web así como o propio aluguer.  

Os populares amosan “a súa preocupación polas pequenas e medianas empresas e demandamos do Goberno tripartito explicacións do recorte a un colectivo que debera ser unha prioridade tanto polo propio crecemento do Milladoiro e Bertamiráns como pola prestación de servizos á veciñanza que vai en aumento ano a ano nestes núcleos”.

Share.

Comments are closed.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies
Social media & sharing icons powered by UltimatelySocial