Falabamos, para o Lindeiros en papel, con Roberto Rey, alcalde de Frades, en outubro do 2015. Poucos meses despois de que os electores avalaran, cunha maioría absoluta, o traballo feito desde que 3 anos antes accedera ao cargo ó presentarse Miguel Prado, o anterior rexedor, as eleccións ao Parlamento de Galicia abandonando o posto.
Volvemos á casa consistorial de Frades no ecuador da lexislatura e o atopamos algo máis serio que entón pero igualmente ilusionado.

Roberto Rey fai unha valoración positiva de esta primeira parte da lexislatura pese as dificultades dos concellos pequenos a hora de financiarse

Como en tódolos concellos a famosa Lei Montoro, que impide usar o remanente de tesorería, é un problema que obriga aos concellos a buscar financiamento en outros organismos, os plans da Deputación xa deixan claro de canto disporán pero teñen tamén que implicarse nas distintas consellerías e estar atentos as disposicións que se publican para non perder un euro

Para facilitar a planificación a Deputación de A Coruña deseñou o chamado Plan único que pretende que os concellos saiban antes e mellor de cantos cartos disporán. Pese a polémica xerada desde algúns municipios que consideran que este plan pode supoñer menos cartos dos que recibían Roberto Rey cre que nace con boa intención e que a final de ano terán chegado os mesmos cartos que en anos anteriores.

En concellos como o de Frades un dos departamentos máis importantes e o de Servizos Sociais. Lugares con poboación moi maior que precisa de atención e que en moitos casos só conta co concello para conseguir unha boa calidade de vida. Frades ten servizos a domicilio de podoloxía, fisioterapia, perruquería e case o mesmo número de horas dedicadas a dependencia que concellos limítrofes como Ordes ou Oroso. Servizos con un custo elevado pero dos que non se pode prescindir.

Roberto Rey é tamén o presidente da Mancomunidade de Ordes, un organismo pioneiro na bisbarra en temas de servizos sociais. Desde a Mancomunidade préstase o servizo de axuda a domicilio e de ela depende tamén o Centro de Información a Muller, CIM, que ven de recibir un premio polo seu traballo

Outra das necesidades para un concello como Frades é a comunicación por estrada. Roberto Rey explica que xa teñen solicitada a incorporación ao transporte metropolitano tanto na área de Compostela como na da Coruña e espera que o novo deseño no que traballa a Xunta inclúa ao concello.

Recentemente Frades apareceu xunto con Mesía nas noticias sobre a empresa Erimsa dedicada a extracción de cuarzo de terreos agrícolas. Erimsa ven de recibir permisos de investigación, solicitados no 2012, que permitirían incluso expropiacións pero esta é unha práctica que a empresa negou que se fora a levar a cabo. De calquera xeito certos sectores advirten do perigo de desaparición de moitas granxas e a polémica segue viva pese aos anos que Erimsa leva traballando en Frades sen maiores problemas.

Terminamos a conversa preguntando polos obxectivos de aquí ao final da lexislatura. Roberto Rey sempre ten un montón de ideas na cabeza e ten que facer un esforzo para ordenalas por prioridades

Roberto Rey é outro de eses políticos nos que as directivas dos partidos deberían poñer a vista. Comprensible coas dificultades do momento e do traballo que fan outras administracións sen que iso lle impida reclamar o máximo posible para Frades. Alguén a quen agradecer o esforzo xa que, pese a non gustarlle nada as entrevistas, sempre está disposto a responder.

Share.

Leave A Reply

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies