Melide, 14 de abril do 2021 – Ste Xeito Producións presenta, este domingo 18, a comedia Running no concello de Melide.
A obra comezará as sete da tarde no Centro Socio Cultural Mingos de Pita. Aínda que o acceso é de balde hai que inscribirse no mail reservasculturais@concellomelide ou no teléfono 981505003 – ext:2122.
Running sitúa en escena a unha actriz e un actor que terán que suar a camiseta para meterse na pel de todas as personaxes desta vertixinosa comedia. “Xulia e Román acaban de coñecerse e o primeiro WhatsApp non tarda en chegar: “¿Quedamos? Veña, ¡si! ¿Pero cando?” Romeo e Xulieta tiñan as familias na contra dun amor prohibido. Xulia e Román aínda non saben se tanto se queren, pois as súas familias, as súas vidas, e os seus propios medos impiden brindar con esa primeira cervexa que podería facer nacer ou morrer o amor eterno.”
En Running a dirección corre a cargo de Esther F. Carrodeguas e os actores son Sergio Macías e Sthepy Llaryora. Os dous actores asumen ademais a interpretación de ata 20 papeis das dúas familias, ou de persoaxes da televisión e entrevistadores.
Unha vertixinosa peza cómica que acaba sendo unha parodia do mundo actual.