Brión, 14 de agosto do 2017 – O 15 de agosto é un dos días que máis festas teñen en Galicia, unha delas é a de Santa María dos Ánxeles en Brión.
A parroquia brionesa de Santa María dos Ánxeles ultima xa todos os preparativos para estas festas patronais, que comezan hoxe martes 15 e rematarán o venres 18 de agosto. Oficios relixiosos e música de orquestras combínanse nestas catro xornadas festivas.
O programa de actos dará comezo hoxe martes, dedicado a honra da Virxen da Nosa Señora, cunha misa solemne ás 13.00 horas. O baile do mediodía e a verbena será protagonizado pola orquestra Poceiro.
A segunda xornada de festa en Santa María dos Ánxeles, mañá mércores na honra a San Roque, contará tamén cunha misa solemne ás 13.00 horas. Continuará a festa coa sesión vermú e coa verbena nocturna coa orquestra Los Trovadores.
O xoves 17 de agosto, día na honra da Virxe do Rosario, haberá misa solemne ás 13.00 horas. Nesta ocasión, será a orquestra Compostela a encargada de amenizar o baile do mediodía e a verbena da noite.
Concluirán os festexos na parroquia de Santa María dos Ánxeles o venres 18 de agosto coa misa solemne na honra á Virxe do Carmen. A orquestra Solara protagonizará a sesión vermú e repetirá na verbena nocturna xunto coa orquestra Israel, poñendo, deste xeito, o broche final ás festas patronais.