Compostela, 28 de febreiro do 2018 – O Santiago Rugby Club rematou a tempada regular en terceira posición o que lle permite participar nos play off polo título da liga.
A decimocuarta xornada da Liga galega 2 enfrontou ao Santiago RC co Barbanza RC, de Rianxo, ao que gañou 53 a 14 no campo de Marrozos, que tivo unha boa entrada de público.
Os de Santiago empezaron o partido metendo presión aos visitantes e grazas a iso conseguiron abrir o marcador cun golpe de castigo e a continuación con tres ensaios. Con estes tantos conseguiron chegar ao minuto 25 cun resultado favorable de 22-0. A partir deste momento o Barbanza RC empezou a despregar un gran xogo que lle permitía realizar un ensaio de tal forma que se chegaba ao descanso co resultado de 22-7.
A segunda parte empezou como termino a segunda, con dominio dos visitantes ata alcanzar un segundo ensaio transformado que apertaría o marcador, pero esta xogada no canto de afundir aos de casa, valeu para todo o contrario, espertar aos de Kiko López. O adestrador local refrescaba o Santiago con varios cambios ao seu equipo. O relevo fixo quer pasaran a dominar conseguindo cinco novos ensaios, que levarían ao resultado final do partido de 53-14.
Esta vitoria permite ao Ssantiago RC confirmar a terceira praza por detrás do CD Zalaeta de Arteixo, que será o seu rival nas semifinais polo título de liga. A outra semifinal enfrontará ao campión da fase regular, CR Fendetestas das Pontes contra o cuarto clasificado Muralla RC de Lugo.
Anotaron polo Santiago RC Claviculas 2 ensaios, Tirso, Manu, Miguel, Brais e Valdivia 1 Ensaio e Fikre 1 ensaio, 5 Transformacións e 1 Golpe de castigo. Anotou por Barbanza RC Hugo Lojo 2 ensaios e 2 Transformacións.