Compostela, 16 de xullo do 2020 – O Consello de Administración de ACUAES ven de pechar a segunda fase do diálogo competitivo para a presentación de ofertas de cara a reforma e ampliación da depuradora da Silvouta en Santiago.
Son catro empresas as que terán que presentar ofertas nun prazo de dous meses: U.t.e. Drace infraestructuras, s.a. – vías yconstrucciones, s.a; U.t.e. Ferrovial agromán, s.a. – cadagua, s.a. – c. Ramon vázquez y reino, s.l.; U.t.e. Suez treatment solutions, s.a.u. – aquambiente, servicios para el sector del agua, s.a.u e U.t.e. Gs inima environment, s.a. – s.a. De obras y servicios, copasa – pesa medioambiente, s.a. Una delas será a que finalmente reforme a EDAR de Santiago.
O diálogo competitivo é un procedemento de contratación previsto na Lei de Contratos do Sector Público que permite atopar a solución innovadora que mellor se axuste ás necesidades e condicións específicas do proxecto, cuxo obxectivo é realizar un tratamento eficiente das augas residuais da cidade en cumprimento cos requirimentos de vertedura ao río Sar esixidos pola normativa vixente.
Unha vez valorados os proxectos preliminares presentados polas nove UTE na primeira fase do procedemento de dialogo competitivo, resultaron seleccionados estes catro candidatos, que accederon á seguinte fase do procedemento. Tras comprobar a Mesa Especial de Dialogo Competitivo o cumprimento das condicións dispostas, corresponde ao Consello de Administración de ACUAES, como órgano de contratación, o peche do dialogo competitivo e a invitación para presentar as ofertas técnicas e económicas. Para iso os candidatos dispoñen dun prazo de dous meses.
Coa presentación das ofertas culmínase o procedemento que permite definir a solución óptima á depuración de Santiago de Compostela. Para posibilitar o seu desenvolvemento por ACUAES, está pendente de subscribir un convenio coas administracións interesadas que dispoña a fórmula de financiamento que o faga posible.