Compostela, 25 de setembro do 2018 – A praza de Cervantes acollerá este sábado a segunda edición do Festival Rosalía, centrado na figura da poetisa e na súa imaxe nas distintas formas artísticas.
O Festival Rosalía está organizado pola Deputación da Coruña e o Concello de Santiago e leva como lema Unha cultura con superpoderes, de feito na presentación estivo presente unha SuperRosalía. A heroína repartiu programas de mane Goretti San Martín, Vicepresidente da Deputación, e Marta Lois, concelleira de igualdade, explicaban aos medios o programa de actividades do festival.
Tal e como explicou Goretti Sanmartín, “haberá danza con Ánxela Blanco e Mónica de Nut, teatro e pasarrúas cos Quinquilláns, música para nenos e nenas con Uxía Senlle e actividades durante toda a xornada”. Tamén se contará cun espazo de novidades coa presentación das últimas producións baseadas na autora e a súa obra e Vella Escola creará unha ilustración mural a grande escala realizada a spray. Pola tarde darán un obradoiro de rap en galego e farán unha reinterpretación urbana dos versos de Rosalía.
A edila de Igualdade, Marta Lois, fixo fincapé na “importancia da colaboración institucional para levar a cabo eventos deste tipo, que axudan a facer cidade e que buscan potenciar a figura de Rosalía nesa Compostela territorio das mulleres”. O festival conta tamén con trece postos, cos que “se fomenta o comercio local e de proximidade, así como a autenticidade do mesmo”.
Descarga o programa
programa festival rosalia
