Segunda edición do premio de novela Camiño de Santiago

0

Compostela, 7 de abril do 2021 – A Xunta de Galicia e a Academia Xacobea convocan a segunda edición do premio de novela Camiño de Santiago.

O Premio de Novela Camiño de Santiago está organizado pola Academia Xacobea coa colaboración da Xunta de Galicia e da Editorial Galaxia, co obxectivo de promover e divulgar o Camiño de Santiago e o fenómeno xacobeo.

O secretario xeral de Política Lingüística, Valentín García, destacou na presentación que “Este galardón é unha dobre oportunidade, para que os escritores e escritoras en lingua galega dean a coñecer o seu traballo e a súa valía, e para que o público lector se achegue ao Camiño de Santiago percorréndoo tamén a través da literatura”,

Na presentación participaron canda el o presidente e o vicepresidente da Academia Xacobea, Xesús Palmou e Marcelino Agís, respectivamente; o director de edicións da Editorial Galaxia, Carlos Lema, e o académico Jesús de Juana.

Dinamizar a narrativa e a lectura arredor do Camiño

O II Premio de Novela Camiño de Santiago ten como tema referencial o Camiño de Santiago. As novelas, relatos ou conxuntos de relatos orixinais que se presenten a el, ata o vindeiro 15 de setembro, deberán ofrecer unha extensión mínima de 200 páxinas. A histórica vía deberá estar presente de maneira notoria na narración, na súa vertente física, histórica, cultural, social ou imaxinaria.

A obra gañadora recibirá 3000 euros e a publicación pola Editorial Galaxia, tanto en galego (no selo Galaxia), coma e castelán (no selo Mar Maior). Haberá tamén un accésit sen dotación económica para a mellor obra literaria redactada no idioma que non obteña o primeiro premio. Toda a información e bases no Portal da Lingua Galega.

Share.

Comments are closed.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies
Social media & sharing icons powered by UltimatelySocial