Silleda remata o acondicionamento da vella unitaria de Cira

0

Silleda, 13 de novembro do 2017 – O Concello de Silleda vén de rematar o acondicionamento da escola unitaria de Cira,  unha das actuacións postas en marcha nos últimos meses.

O arranxo do edificio da antiga unitaria da parroquia de Cira, lecouse a cabo a través dunha liña de subvención da Dirección Xeral de Comercio e Consumo, dependente da Consellería de Economía, Emprego e Industria, para promover o emprendemento comercial no ámbito rural.

O investimento foi de 99.872, 53 euros, contando para elo cunha subvención do referido organismo por valor de 69.910, 70 euros. Os traballos consistiron en adecuar este edificio para convertelo nun espazo comercial.

“A través desta iniciativa logramos a posta en valor de este edificio que se atopaba en moi mal estado, creando ao mesmo tempo espazos comerciais que poñeremos a disposición do público”, sinala o alcalde, Manuel Cuiña. Con esta iniciativa dende o Concello de Silleda búscase tamén dinamizar a actividade comercial no rural, promovendo a venta de produtos locais. “Consideramos que é unha iniciativa que pode resultar moi beneficiosa dende distintos puntos de vista, xa que ademais de arranxar o edificio podemos contribuír á creación de emprego apostando pola dinamización no noso rural”, sinala Cuiña.

Coa actuación na unitaria de Cira creáronse dous espazos comerciais na planta baixa do edificio, con sendos aseos adaptados.  A parroquia de Cira, a máis septentrional do territorio silledense acolleu nos últimos anos un proxecto de dinamización turística, no que ademais de acondicionar a área de baño da localidade, no lugar coñecido como Xunta dos Ríos (onde conflúen o Ulla e o Deza), colocaronse distintos paneis informativos buscando a posta en  valor de elementos históricos, patrimoniais ou culturais representativos da paisaxe agraria tradicional.

Entre as características da parroquia de Cira destacan o seu clima benigno, moi apto para cultivos hortofrutícolas de gran calidade,  como xudía, tomate, pementos, leitugas, etc; a abundancia de invernadoiros dedicados a cultivo de flor de gran calidade; ou a existencia de destacadas explotacións de mazá. Esta parroquia silledense, que alberga ademais coutos de pesca de salmón, está incluída na Denominación de Orixe Rias Baixas con produción de Alvariño. Como elementos do seu patrimonio histórico artísticos destacan o antiguo castelo, fundado no S. XII por Bernardo Xoan de Deza e posteriormente feudo da Raiña Dona Urraca e o Conde de Altamira; o pazo de Paizás, igrexas e as casas solaregas.

Share.

Leave A Reply

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies