A Garda Civil impide unha concentración de matronas en Silleda

0

Silleda, 3 de marzo do 2020 – A Garda Civil impediu unha concentración de matronas en Silleda, durante as probas de oposición do Sergas, tras comunicarlles que se lles denegara a autorización.

A concentración estaba convocada, diante do Recinto da Feira Internacional de Galicia, pola Asociación Galega de Matronas para denunciar a precariedade laboral de este colectivo. As matronas non entenden como é posible que a Subdelegación do goberno lles denegara o dereito a concentrarse cando o único que pretendían era despregar unha pancarta.

Desde a Agrupación querían denunciar as condicións laborais de extrema temporalidade á que se vén abocadas as matronas eventuais. Como exemplo poñen o dunha das traballadoras que leva, a esta altura, 11 anos e 31 días no SERGAS e acumula 53 contratos: 16 inferiores a 15 días; 22 de 1 ou 2 días e de 2011 a 2018, contratos por obra e servizo asinados cada 6 meses.

Ou doutra que leva a esta altura 3 anos e 9 meses no SERGAS con 2 anos e 2 meses de tempo efectivo traballado, sumando xa 64 contratos en 8 hospitais diferentes e en 3 provincias distintas: 22 deles de 1 día ou noite e 7 de máis de un mes.

260 contratos en 7 anos

E se a situación destas matronas parece insuperable, aínda é peor a de outra compañeira que tras 7 anos e 9 meses traballando en 2 Comunidades Autónomas, só suma de tempo traballado 4 anos e 5 meses, parte no SERGAS e acumula un total de 260 contratos en 4 hospitais e en 3 zonas de Atención Primaria. Deste enorme número de contratos, 221 foron de 1, 2 e 3 días e 12 contratos de arredor dun mes.

Share.

Comments are closed.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies
Social media & sharing icons powered by UltimatelySocial