Silleda inaugura o próximo martes a Rede de calor con biomasa

0

Silleda, 22 de xullo do 2018 – O próximo día 24 Silleda inaugurará a Rede de calor con biomasa, un dos proxectos máis interesantes, xurdidos desde un concello da bisbarra, nos últimos anos.

Aínda que a ídea da Rede de calor ven de lonxe, a súa posta en marcha foi moi rápida. En abril saía publicado no Boletín Oficial da Provincia o anuncio que abría o prazo para a presentación de ofertas de construción e agora as instalacións serán inauguradas, catro meses. Trátase dun proxecto pioneiro en Galicia, que se converterá na primeira rede público-privada deste tipo na comunidade.

Unha rede en crecemento

A primeira fase da rede subministrará calefacción e/ou auga quente sanitaria o pavillón deportivo César Fares, o campo de fútbol de Outeiriño, a piscina municipal, a Escola Infantil A Galiña Azul, a Residencia e Centro de Día de Maiores e o Hotel Vía Argentum. Nunha segunda fase  conectaranse  outros edificios como a actual Casa da Cultura, a Escola de Música o CEIP de Silleda ou a Oficina Agraria Comarcal. O alcalde Manuel Cuiña explica que “Con esta iniciativa deixaran de expulsarse ao medio nesta primeira fase 342 toneladas de CO2 ao ano, e 380 toneladas no segundo, o aforro económico será de 81.000 euros ao ano respecto ao consumo anual, e de 93.000 euros cando estea lista a segunda fase. A idea é que no futuro calquera usuario privado se poida enganchar”. O rexedor tamén indica o aproveitamento que se quere tirar do monte “o obxectivo final e crear un ciclo que nos permita ademais  aproveitar a biomasa dos nosos montes. Esta fase abre as portas para crear un circuíto que de saída a materia prima dende os nosos montes, co que significa tamén no tocante á prevención de incendios”.

Inauguración

No acto de inauguración do próximo martes estarán presentes, o Alcalde de Silleda, Manuel Cuíña Fernández, o Director Xeral de Enerxia e Minas, Ángel Bernardo Tahoces  a Xerente do INEGA, Zeltia Lado Lago e o Deputado Provincial, Carlos López Fonnt.

No acto soterrarase una Caixa ( Cápsula do tempo) onde cada administración involucrada neste proxecto, depositará algo simbólico.

Share.

Comments are closed.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies