Silleda organiza unha nova xornada de Libros na rúa

0

Silleda, 17 de abril do 2019 – O vindeiro venres día 26 celebrarase en Silleda unha nova edición de Libros na rúa, o mercadiño solidario de libros que se complementará con distintas actividades.

Ao igual que en anos anteriores vendenranse exemplares de segunda man a un prezo unitario de 1 euro. Libros na rúa está enmarcada no programa cultural con motivo do Día do Libro, está organizada dende a Concellería de Educación, que dirixe Pili Peón.

A cita conta cunha dobre vertente; ademais de ser unha aposta educativa e relacionada coa promoción da lectura tamén terá un carácter solidario, xa que a totalidade da recadación se destinará ao programa municipal Silleda Solidaria, que atende ás familias con menos recursos.

O certame terá lugar na praza da Igrexa de Silleda, dende as 11:00 horas. Alí estarán colocados varios postos onde o público poderá adquirir os exemplares usados á venda.

Participan neste certame os centros educativos e Anpas, que abrirán os stands para a venda dos exemplares.

Actividades durante a xornada

Ademais da venda de libros, tamén se celebrarán actividades ao longo da xornada. Así durante a mañá haberá obradoiros de chapas, colgadores para portas, imáns….

Tamén pola mañá haberá dúas sesións de contacontos para o público (ás 11:30 e ás 12:30 horas= e pola tarde, ás 18:15 chegará o espectáculo Conta e Canta, que en caso de choiva se trasladará á Casa da Xuventude.

Dende o goberno municipal agradécese a implicación dos centros e das Anpas nesta cita “coa que ademais de fomentar a lectura entre os máis novos, estamos a axudar a moitas familias que o precisan”. Tamén se anima ao público a secundar a proposta de Libros  na rúa acudindo nesta xornada a mercar libros.

Share.

Comments are closed.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies
Social media & sharing icons powered by UltimatelySocial