Silleda, 31 de outubro do 2019 – O executivo local de Silleda levará a pleno a aprobación inicial do orzamento 2020, cun incremento da partida de servizos sociais en mais dun 155%.
O montante global das contas sitúase en 6.910.000 euros. A partida destinada a Servizos Sociais é a única que varía considerablemente no capítulo de gastos, pasando de 385.000 a 600.000 euros, un incremento de máis do 155% que se explica polo aumento de horas do Servizo de Axuda no Fogar, (se estima que pasarán de 32.000 a 40.000 euros) e polo aumento do custe das mesmas (de 11,40 a 14,70 euros a hora).
O alcalde, Manuel Cuiña, explica que “O SAF, como outros servizos asistencias, ou axudas de emerxencia son servizos básicos nos que este goberno fará un considerable esforzo o vindeiro ano, cunhas contas que teñen un marcado carácter social”. Aumenta tamén en materia social a atención a persoas con Alzheimer e outras demencias, co programa que se ven desenvolvemento dende o ano 2015 e as axudas a emerxencia social.
Tamén dende o Concello se volve a contemplar unha partida de 73.000 euros para a Escola Infantil A Galiña Azul, a que hai que sumar os gastos de mantemento “Pese a ser competencia da Xunta, os Concellos seguimos a facer un grandísimo esforzó na Educación de 0 a 3 anos”, engade Cuiña.
O novo orzamento supón un descenso do 11,4% (890.000 euros menos) con respecto ao ano 2018. Este descenso explicase ao non figurar inversións coma o novo campo de fútbol da Bandeira ou a Rede de Calor. Mantéñense as partidas de axuda a colectivos, asociacións e clubes, e minorase tamén á metade a destinada a intercambios culturais (de 20.000 a 10.000 euros).
Tamén se manteñen as partidas para o programa de fomento do emprego (15.000 euros); o mantemento e conservación de camiños municipais (200.000 euros) e se incrementan as destinadas a atención do mosteiro de Carboeiro (de 18.000 a 25.000 euros) e a Escola de Música Municipal (que pasa a 110.000 euros).
No tocante a Persoal, a partida que representa un 35,60% do orzamento, incrementase nun 10,5% polas subas que marca o goberno central e trienios, entre outros, pasando de 2,2 a 2,4 millóns de euros.
Os gastos en ben correntes e servizos tamén se incrementan lixeiramente nun 8%, de 2,9 a 3,1 millóns, incluíndose neste apartado o aumento en gasto social. Os gastos financeiros tamén se van reducindo coa diminución da débeda. Para o exercicio 2020 prevese que a débeda bancaria se situe en 1.157.949,92 euros, amortizándose máis de 292.000 euros.
Ao non contemplarse as dúas grandes obras dos últimos anos, descende tamén pois o capítulo de inversións reais, en máis dun 66% debido a esta circunstancia, situándose a partida en 668.600 euros . Inclúense nas previsións as achegas municipais para realizar investimentos a través de subvencións doutros organismos (142.600 euros); a aportación que se prevé da Deputación de Pontevedra polo Plan Concellos (512.000 euros) e unha partida para reposición de infraestruturas por 14.0000 euros.
“Queremos ter o orzamento en vigor a 1 de xaneiro de 2020 e aínda que a previsión en inversións descendeu considerablemente ao non executarse as dúas grandes obras de anos anteriores, a nosa intención é seguir xestionando novas inversións que poidan xurdir ao longo do próximo exercicio”, indica o alcalde e responsable municipal de Facenda, Manuel Cuiña, que explica que as inversións a realizar se decidirán nos vindeiros meses.