Silleda, 22 de novembro do 2017 – O Concello de Silleda procedeu ao pintado de mensaxes contra a violencia machista nos pasos de peóns.
Estas frases, ás que acompaña o logo “Silleda, en negro” (no marco da campaña #Ennegrocontraasviolencia ) estamparánse en 8 pasos: 4 na vila de Silleda e outros tantos na da Bandeira.
Amedes a quen amedes, Silleda polos dereitos LGTBI, Son libre de decidir sobre a miña vida, Non es o meu dono, Non son o teu dono, Non son un príncipe azul, #Nin unha menos, Sempre libre e viva, Si é sí..Non é non, Non por ser muller, sí por ser persoa. Estes son os lemas que rezan nos pasos de peóns “para concienciar e sensibilizar á poboación sobre esta lacra na qué é preciso que nos impliquemos todos e todas”, indica a concelleira de Igualdade, Pili Peón.
Silleda comeza ademais o programa “Xénero e vulnerabilidade”, posto en marcha co apoio da Deputación de Pontevedra coa conferencia de Rosa María Calaf baixo o título “Violencia y misoginia: ayer y hoy. La representación de las mujeres en el discurso mediático”, que impartirá ás 17:00 horas na Casa da Xuventude a coñecida xornalista e investigadora.
A corresponsal máis veterana de TVE, con 37 anos de experiencia as súas costas, foi pioneira en España no exercicio do reporteirismo.
Ademais da conferencia de Rosa María Calaf, o vindeiro venres día 24 terá lugar a concentración de condea contra a violencia de xénero na praza da Igrexa de Silleda (12:30), un acto no que dende a Concellería de Igualdade de Silleda se entregarán tamén aos centros escolares lotes de libros que afrontan a problemática da desigualdade por razón de xénero e a violencia machista.
En negro contra as violencias
Por outra banda o Concello de Silleda segue a participar na campaña En negro contra as violencias, á que se sumaron xa 80 establecementos e entidades do municipio para sensibilizar –a través da cor negra- sobre a problemática da violencia de xénero na nosa sociedade.