Silleda, 15 de xuño do 2020 – Que pasará coas festas de verán é unha das incógnitas en moitos concellos, Silleda decidiu por ese motivo convocar as distintas Comisións de Festas a unha xuntanza o próximo mércores.
As Comisións de Festas reuniranse, no salón de actos da Casa da Cultura de Silleda, as nove da noite. Nesta convocatoria farase unha posta en común da situación actual e as condicións para a celebración de eventos, toda vez que medidas sanitarias e de prevención dificultarían que moitas delas se celebrasen como ata o de agora.
“Sabemos que algunhas comisións decidiron xa non arriscar e suspender eventos, pero para disipar dúbidas e facer unha posta en común teremos esta xuntanza o vindeiro mércores”, avanza o alcalde, Manuel Cuiña.
