Silleda, 27 de xaneiro do 2017 (fonte Psoe Silleda) – A agrupación socialista de Silleda esixe á Xunta de Galicia, a única que ten competencias nesta materia, que asuma a configuración dunha rede integral, sostible, permanente e equilibrada dos Centro de Información da Muller en todos os concellos da provincia.
O Psoe demanda que todas as mulleres, independentemente de onde vivan, teñan acceso aos mesmos servizos e non corran riscos polas dificultades dos concellos para prestar un servizo básico como é a información e asesoramento á muller.
O grupo municipal acaba de presentar unha moción ao pleno do concello na que lle pide á Xunta de Galicia que fixe unha rede de centros para o asesoramento á muller de xeito permanente e sostible no tempo.
Asegura que na actualidade dos 61 municipios da provincia de Pontevedra so 35 forman parte da rede CIM´s da Xunta, 21 de xeito individual e 14 mancomunados, esquecéndose que 27 concellos de esta provincia non teñen CIM
Ademáis exixe que a Xunta asegure o financiamento dos CIM existentes, xa que as axudas que lles chegan aos Concellos non teñen data fixa e varían a contía cada ano, xerando inseguridade no financiamento e dotando de escasos recursos para poder prestar un servizo adecuado que debería incluir inversións en dinamización e prevención da violencia de xénero.
Lamenta que a Xunta de Galicia teña recortado nos orzamentos autonómicos destinados ás accións para a igualdade, protección e promoción da muller, con respecto ó ano 2010, un 16,48%; o que amosa o nulo compromiso que ten a administración autonómica coa igualdade de xénero.
No caso concreto dos CIM’S ainda resulta mais vergoñento por que as axudas nos CIM´s están cofinanciadas polo Fondo Social Europeo ata nun 80%, aportando a Xunta tan so o 20% restante. Piden que a Xunta de Galicia é dotar de máis recursos a este servizo tan fundamental para garantir os dereitos das mulleres”.