O Tenis de mesa Oroso comezou a competición nas distintas categorías

0

Oroso, 9 de outubro do 2017 – Esta fin de semana disputouse unha nova xornada de ligas nacionais e galegas para os seis equipos de tenis de mesa de Oroso.

O sábado, os dous equipos de División de Honra, masculino e feminino, desprazábanse para disputar os seus respectivos enfrontamentos. As mulleres viaxaban a Narón a enfrontarse co Cidade Narón, mentres que os mozos facíano a Cambados onde os esperaba o Establecimentos Otero da devandita localidade.

No Norte, o encontro do Oroso Rios Sangiao comezaba ás 16:00, aliñando as locais á súa fichaxe estrela, a rusa Katia Kuchenkova, e as canteirás Belen Sañudo e Claudia Canay mentres que as visitantes xogaban con Dasha Kuskova (tamén rusa), Olaya Cea e Noelia Igrexas. Comezaba ben o partido para os intereses das de Oroso, impoñéndose con autoridade Kuskova a Sañudo. Pero pronto as locais igualaban vencendo 3-0 Kuchenkova a Igrexas e mesmo se adiantaban gañado Canay a Cea por 3-1. Igualaría Kuskova o marcador, vencendo novamente con certa facilidade a Canay por 3-0, pero Igrexas non podía con Sañudo coa que cedía por 3-1 e Cea caía tamén con Kuchenkova por un claro 3-0. Así o marcador final de 4-2 para as de Narón dáballes a vitoria do encontro e deixa ás de Oroso nunha cómoda posición no medio da clasificación.

Máis ao Sur, os mozos do Oroso aliñaban a Timur Belov, de orixe rusa e aos canteiráns Pedro Castro e Gonzalo Mirás ambos os infantís. Por parte dos locais, o internacional Rafa Taboada, o último abanderado español nas Paraolimpiadas de Rio, José Manuel Ruiz e o canteirán Fernando Padín. Clara diferenza de nivel entre ambas as escuadras, sendo os cambadeses claros favoritos a loitar polo ascenso esta tempada, mentres que os orosinos este ano optaron por dar saída aos seus xogadores máis novos e, por tanto, tocaralles sufrir para poder manter a categoría.

Xa na xornada do domingo, tres partidos simultáneos no pavillón Juanito Amigo de Sigüeiro, fixeron da mañá dese día un espectáculo de tenis de mesa ao máis alto nivel. O partido estrela foi o da Superdivisión Feminina, máxima categoría nacional, e que enfrontou ás locais do Oroso ABANCA contra as andaluzas do Tecnigen Linares. Un partido moi igualado no xogo o cal non se reflectiu no marcador final. As de Xaén acabaron levándose o encontro por 1-4, pero dous dos catro partidos individuais deberon decidirse pola mínima. De caer un só deles ao lado das orosinas, o encontro tomaría outro cariz pero a sorte non sorriu ás locais. Con todo, as 3 xogadoras de Oroso: Vika Klimchenko, Natasha Hoshova e Sara Pérez, mostraron unha gran melloría no seu xogo e o cuerto técnico confía en que pronto chegará a primeira vitoria á escuadra de Oroso.

Disputábase tamén ao mesmo tempo a estrea do equipo de 1ª galega, o Oroso TM Hotel Sta Cruz que recibía ao CTM RC A Estrada. Os canteiráns do Oroso vencían por un claro 4-1, escapándose soamente o partido de dobres no que deixaron escapar a oportunidade de redondear o 4-0. Uxio Pampín, Martín Fernández e Victor Valcárcel, xogaron polo Oroso TM Hotel Sta Cruz.

E tamén se estreaban os máis pequenos do club, co derbi local entre o Oroso TM Trastes e o Oroso Barbería Tije. 4-0 para os do Tije que xogaban con Lucía Rios, Noa Rato e Xullo Pampín  mentres que o Oroso TM Trastes aliñaba a Esteban Rodríguez, Sasha Malov e Hugo Crespo.

A próxima semana importante encontro na Superdivisión Feminina, onde o Oroso ABANCA recibirá ao CTM Rivas de Madrid, a priori, un dos presuntos rivais para lograr a permanencia na categoría. O club fai un chamamento a toda a afección para recibir o apoio nun encontro tan importante.

Share.

Leave A Reply

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies