Casalonga Limpa de Residuos tamén se posiciona en contra da Lei de avaliación medioambiental

0

Teo, 27 de xaneiro do 2020 – Casalonga Limpa de Residuos ven de mostrarse contraria a nova Lei de avaliación ambiental que se quere tramitar.

Si hai uns días contábamos a preocupación de colectivos como Mina Touro O Pino NON ou ContraminaAcción agora é Casalonga Limpa, que loita por impedir a instalación dun vertedoiro en Teo, a que se mostra contraria a esta nova Lei.

A plataforma explica nun comunicado que “esta nova Lei daría continuidade as leis aprobadas nos últimos anos, como a Lei 5/2017, bautizada socialmente como Lei de depredación para favorecer o emprendemento e axilizar a implantación de actividades industriais”. Engaden que a nova Lei “deixaría a porta aberta ás empresas para destruír a nosa terra, auga e aire con máis impunidade do que xa o están a facer”.

Resposta as alegacións

A opinión da plataforma teense é que a intención de cambiar a lexislación pode ser “unha resposta da Xunta ás numerosas alegacións que recibiu polo plan de restauración da canteira da Casalonga, alegacións que a día de hoxe aínda non recibiron contestación”. Unha das veciñas que acudiron as reunións da Plataforma opinaba de xeito máis concreto “como lles resulta moi engorroso cumprir a lei, prefiren cambiala, así seguen a estar dentro da legalidade, como lles gusta dicir”.

Alegacións

A Plataforma Casalonga Limpa de Residuos distribuíu o enlace que leva a un cuestionario on-line da Xunta onde se poden achegar as alegacións, tanto de particulares como de asociacións, sobre a proposta desta nova lei. Un membro da rede de Plataformas explica que “A lei obrígalles a facer esta consulta cidadá pero fixérono ríndose do dereito de participación cidadá xa que o prazo de presentación de achegas é do 17 ao 31 deste mes”.

Desde estes colectivos animan a entrar en “Lei de avaliación ambiental de Galicia -Portal transparencia” e achegar a opinión ao respecto.

Share.

Comments are closed.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies
Social media & sharing icons powered by UltimatelySocial