Teo, 3 de decembro do 2020 – Chega o Nadal e todos os concellos buscan o xeito de adaptar a comunicación cos reis Magos para que os cativos poidan facer as súas peticións.
En Teo decidiron que o mellor xeito de garantir a seguridade dos Reis Magos e dos cativos e facer videoconferencias con Oriente. O concello organizara ademais unha serie de actividades para que o Nadal chegue a todo o municipio.
Buzón Real
De todos xeitos non todos poderán falar cos Reis e polo tanto o concello habilitará un Recuncho de Nadal Cultural no exterior do Auditorio Constante Liste. Alí estará situado o Buzón Real que ademais terá sorpresa xa que tomarase nota das cartas para enviar e entre elas sortearase o 3 de xaneiro 3 lotes de xoguetes educativos.
Videoconferencia cos Reis Magos
Desde o vindeiro sábado os cativos de Teo poderán solicitar unha das 550 videoconferencias que os Reis Magos reservaron para o concello.
Para anotarse os pais entrarán en teo.gal e escollerán a hora e día da videochamada que será entre o 30 de decembro e o 5 de xaneiro. Os Reis atenderán as solicitudes por orde de entrada.
Mais programación
Teo terá ademais concertos, teatro, contacontos, maxia, e programación en liña cunha homenaxe ao último CantaTeo xa que este ano non poderá realizarse fisicamente. Neste participaron o Coro de San Miguel de Raríz, a Coral da Asociación Cruceiro do Monte, a Coral San Simón de Cacheiras, a Coral Polifónica da Sociedade Recreativa de Calo, a Coral Polifónica da Mámoa de Luou, así como o xa non existente Grupo de Canto Aleceia dos Tilos.