La Galiciana é algo máis que un mercado gastronómico, é un lugar de reunión. Unha das vantaxes é que cada persoa pode atopar algo que lle guste, The Veggie é a aposta vexetariana de La Galiciana.
The Veggie é descubrir novos sabores, sen dúbida unha comida saudable pero tamén unha experiencia culinaria para calquera que se achegue a probar as súas preparacións. As súas cociñeiras manexan á perfección múltiples produtos que, combinados, abren un mundo gastronómico para moitos descoñecido.
Adrián Reboredo é o responsable de que todo funcione no posto. É consciente de que cobren un oco moi importante xa que todo o que entre no mercado ten que atopar algo que comer
Antes de que todos falásemos de noticias falsas estaban xa as lendas urbanas, unha delas sen dúbida é que a comida vexetariana é repetitiva. Un prexuízo que desaparece cando se coñece a carta de The Veggie
O atreverse con cociñas doutras latitudes sempre é un reto. Hoxe en día traballase, en moitas ocasións, para persoas chegadas deses países e que coñecen á perfección os pratos. Adrián Reboredo explica que o éxito radica en usar receitas orixinais e o mellor produto, algo que consegue que sexan das preparacións máis vendidas
Aínda que non é unha cociña complicada si require dunha certa preparación por parte do que a elabora, sobre todo tendo en conta que non ten porque ser vexetariano para preparala
Preguntámoslle pola forma de atraer ao público a este tipo de receitas, rodeado sobre todo por tantos locais. A presentación, como moitas veces sucede, é fundamental.
Á vez que estar rodeado de locais pode ser un inconveniente o concepto de mercado é unha vantaxe. Moitos dos visitantes veñen con intención de probar e as novas tendencias cara á comida sa lévaos a The Veggie
Para os máis maiores teñen unha poción especial, un caldo de fabas e grelos que conta con moitos seguidores. Ademais diso Adrián lembra que en Galicia a verdura foi base da dieta desde fai xeracións
The Veggie é unha das opcións máis interesantes que podemos atopar en La Galiciana. Hai quen pensa que existe unha contradición en preparar pratos vexetarianos que se parezan aos que non o son pero, cando un proba as hamburguesas ou os espaguetes boloñesa, importan ben pouco ese tipo de debates.
Se o que buscamos é comer san con moito sabor, coñecer pratos doutras culturas ou simplemente saír da rutina The Veggie é una das mellores opcións.
[ngg src=”galleries” ids=”103″ sortorder=”1408,1419,1418,1417,1409,1416,1415,1414,1413,1412,1411,1410″ display=”basic_slideshow”]