Compostela, 26 de xaneiro do 2019 – A primeira sesión das NerdNite Santiago celebrarase o vindeiro martes 29 de xaneiro con tres propostas que se achegan aos idiomas de Tintín, o cambio climático e relacións entre señoras e criadas na literatura sureña norteamericana.
Esta nova Nerdnite celebrarase nesta ocasión en Riquela (r/Preguntoiro, 35) a partir das 21.00 horas. Os idiomas de Tintín será a intervención que abra o programa da man de Pedro Rey Sanchiz, director da Oficina Web da USC, seguido de Susana Bayo Besteiro, doutorando do EPhysLab da Universidade de Vigo, para abordar o tema ‘Cambio climático: realmente crémolo?’. Para rematar, a doutorando en Literatura Norteamericana da USC Leticia García Barreiro referirase ás relacións entre criadas e señoras na literatura do sur dos Estados Unidos.