Tiro con arco e patinaxe na fin de semana de Ordes

0

Ordes, 26 de xaneiro do 2019 – Dúas competicións distintas pero igualmente interesantes na fin de semana de Ordes, o VI Trofeo de Tiro con Arco e unha das fases do torneo provincial de patinaxe Deputación da Coruña.

VI Trofeo Concello de Ordes de Tiro con Arco

Esta proba terá lugar a partir das cinco da tarde no pavillón Campomaior. Tras unha quenda de adestramentos dará lugar a competición propiamente dita, cuxa finalización está prevista para as 19.30 horas aproximadamente.

No campionato participarán arredor de 70 arqueiros e arqueiras de distintos clubs. A proba está organizada pola Asociación Deportiva Arqueiros do Adarve e conta coa colaboración do Concello de Ordes.

Circuíto de Patinaxe da Deputación

80 dos mellores patinadores de toda a provincia, algúns con podios nacionais e internacionais, se dan cita hoxe no pavillón Castelao I para disputar o Trofeo Deputación da Coruña de Patinaxe Artística.

En esta fase provincial as competicións sucederanse ao longo de toda a xornada, de 10.20 a 14 horas e de 16.20 a 20 horas. Nesta competición, organizada polo Club Galia e patrocinada por Deleite, tamén colaboran: Xunta de Galicia, Deputación da Coruña, Deporte Galego, Federación Galega de Patinaxe e o Concello de Ordes.

Share.

Comments are closed.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies
Social media & sharing icons powered by UltimatelySocial