Touro, 5 de novembro do 2018 – O Concello de Touro, como xa e costume en cada outono, celebra hoxe luns, 5 de novembro, a X Feira da Castaña-Exaltación dos Productos do Outono.
Coincidindo coa celebración da feira mensual nas rúas de Fonte Díaz, está prevista chega esta Feira da Castaña, que inclúe a degustación gratuita de produtos do outono e o magosto feito coas castañas dos castiñeiros da zona.
Pola súa banda, os establecementos de hostalería de Touro ofrecerán as elaboracións “máis saborosas da gastronomía do Concello”. A base das receitas serán as castañas, os cogomelos e o xabarín. O Concello agradece a colaboración dos membros da Sociedade de Caza de Touro e da Carnicería Pepe.
Os locais de hostalería que participan ofrecendo degustacións e colaboran ofrecendo os seus produtos son: Casa Taboada, Pazo de Andeade, Parrillada o Castro, Parrillada Remesquide, Queixería Bama e iougures GurGur. Tamén colaboran Panadería A Peneira, Panadería Andeade, Rosquillas Teresa e Rosquillas Juan.
A partir das 12.30 horas e diante da sede do Concello de Touro está previsto o magosto tradicional e tamén a degustación de postres feitos con produtos da temporada do outono. No Concello, durante a mañá, tamén se fará entrega dos premios aos gañadores do II Concurso Plástico Dona Castaña.