Touro formará parte da ruta internacional de cicloturistas EuroVelo

0

Touro, 29 de agosto do 2018 – Touro será parte da ruta cicloturista EuroVelo 3, unha marca que conta con con 14 rutas que discorren por diferentes países europeos.

Nun comunicado A Marea de Touro considera a integración da ruta cicloturista do concello na marca EuroVelo 3 é unha oportunidade de desenvolvemento única que se debe priorizar a proxectos como o da mina.

A marca EuroVelo, de recoñecido prestixio internacional, parte de Noruega e ten como destino Compostela, pasando por Touro no itinerario que lava o número 3. Este mes de agosto publicouse a licitación dos traballos de sinalización da ruta, despois de diversos estudos previos e comprobacións de que o trazado cumpre cos requisitos mínimos da Federación Europea de Ciclistas, tales como anchura de vías ou estado do pavimento. O itinerario segue o Camiño Francés e en Arzúa continúa por Touro cara Compostela.

Impacto económico na comarca

Diferentes estudos acreditan o importante retorno económico que supoñen estas rutas nas localidades por onde pasan, cun gasto medio de 57 euros por persoa e día; cifra superior á media xeral do turismo. En Marea Touro considera que esta ruta é unha oportunidade de vitalización económica e social moi interesante para a localidade, unha actividade sostible e duradeira; polo que apelan á responsabilidade política e social, sobre todo en materia de medio ambiente e conservación do patrimonio. En Marea considera imprescindible unha aposta clara pola conservación do medio ambiente e do patrimonio; resultando incompatibles as actividades agresivas ao medio coma o proxecto de megaminería actualmente en fase de tramitación.

Incompatibilidade co proxecto de apertura da mina

Se xa actualmente o proxecto de apertura da mina de Touro conta con diversos informes sectoriais preceptivos desfavorables debido ao seu impacto negativo sobre o medio ambiente, agora contraponse á oportunidade socioeconómica que ofrece a EuroVelo3 para Touro. Deste xeito En Marea Touro insta ao goberno local a que abandone a súa connivencia coas agresións ambientais nos terreos mineiros e ao tempo rexeite calquera proxecto de ampliación da mina.

Share.

Comments are closed.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies
Social media & sharing icons powered by UltimatelySocial