Touro, 15 de abril do 2020 – A polémica sobre o Servizo de Axuda ao Fogar en Touro crece coa denuncia que a Marea Veciñal ven de presentar antes a Valedora do Pobo.
O grupo opositor acusa ao goberno popular de Ignacio Codesido de defender intereses empresariais fronte aos dereitos das traballadoras do SAF e con ese argumento decidiu reclamar a intervención da Valedora.
Marea Veciñal de Touro explica que xa o 31 de xaneiro denunciaban ante o goberno local o o incumprimento do Convenio Laboral por parte da empresa concesionaria do servizo (Atendo). Pedían que se aplicaran as sancións recollidas no contrato e nas que se considera un incumprimento grave das condicións.
Co comezo da crise sanitaria o representante sindical trasladoulle ao alcalde que a empresa a empresa non proporcionou nin un só equipo de protección co que a concesionaria volvía a incorrer nunha falta grave.
Marea Veciñal acode agora á Valedora ao considerar que a inacción ante dous incumprimentos tan claros do contrato sería un presunto acto de prevaricación que favorece a unha determinada empresa en detrimento dos intereses das propias traballadoras e veciñas do concello.