Touro, 29 de outubro do 2019 – O campo da festa de Santirso, na parroquia de Cornado en Touro, acollerá este venres o que será a segunda edición da festa dos Rixóns en pota de ferro.
A veciñanza quere deste xeito manter unha das tradicións máis arraigadas da súa contorna. A festa dos Rixóns en pota de ferro estará ademais chea de actividades para todos os públicos ao longo de toda a xornada.
Roteiros, obradoiros, música e xantar
A actividade comeza ben cedo. As dez da mañá farase un roteiro micolóxico pola parroquia, a xente poderase ir unindo a partir das 9:30 no propio campo da festa.
Os amighos da túa prima serán os encargados de poñer música ao xantar, a partir da 1 da tarde, e ao serán, a partir das cinco.
Ao longo de toda a xornada manterase unha mostra de artesanía. para os que ademais de ver queiran facer, as catro terá lugar un obradoiro de cestería e as catro e media outro de macramé.
O remate da festa será a partir das seis coa actuación de Vai nela, unha foliada libre e xa as sete o concerto de Malvela.
O xantar, a prezos asequibles, será a base de filloas de caldo de cocido con Rixóns, tortillas e empanada de Rixóns.
Unha boa cita para a comezar a fin de semana, será este venres en Cornado, Touro, no Campo da Festa de San Tirso.