Touro, 30 de setembro do 2019 – A tensión no concello de Touro segue crecendo a raíz do pleno municipal do pasado venres no que o alcalde recoñeceu estar a favor da mina, “si se soluciona o da auga”, e votando e contra de declarar a emerxencia climática no concello.
A tensión non está provocada só polo conflito da mina, os cheiros provocados pola empresa Tratamientos Ecológicos del Noroeste (TEN) levaron á mobilización da veciñanza nas últimas semanas.
O alcalde a favor da mina
O pleno, que estaba convocado para a unha e media do mediodía, alongouse ata as seis da tarde, pois eran múltiples os temas a tratar.
A nota destacable foi o recoñecemento público e sen titubeos do alcalde, Ignacio Codesido, da súa postura claramente a favor da apertura da mina. O concelleiro do BNG, Xoán Antón Louzao, pedíalle un posicionamento claro ao alcalde, Ignacio Codesido, insistindo en que non valían medias tintas se o concello quedaba sen auga
Ademais de este posicionamento do alcalde o grupo popular, con maioría absoluta, votou en contra de pedir unha ampliación de prazo para presentar alegacións ao cuarto informe de avaliación ambiental solicitado ao concello desde a Xunta de Galicia.
O informe leva aparellada ademais a polémica xa que o concello optou nun primeiro momento por encargarllo a unha empresa vinculada a Cobre San Rafael tendo finalmente que buscar outra por “colisión de intereses”.
Unha balsa que desaparece
Por si todo isto fora pouco a Plataforma Mina Touro O Pino NON denuncia que a balsa de Bama, que cando chove verte ao río Ulla, apareceu seca sen que se saiba cando e como vaciouse.
A Plataforma ven de subir a rede o seguinte vídeo no que se aprecian os cambios no lugar no que se atopa a balsa