Máis de tres millóns de orzamento para Boqueixón

0

Boqueixón, 15 de febreiro do 2017 – O Pleno Municipal de Boqueixón aprobou o orzamento para 2017, que ascende a un total de 3.256.142,44 euros. As contas, que contan con equilibrio entre gastos e ingresos, son un 3,93% superiores ás de 2016.

Para o alcalde de Boqueixón, Manuel Fernández Munín, estas contas son “reais, manteñen a política de restrición de gasto non prioritario, garanten a estabilidade orzamentaria do concello e, o máis importante, permiten o sostemento da totalidade dos servizos públicos de calidade que presta esta administración”.

O rexedor tamén quixo destacar que este exercicio orzamentario será o primeiro dende 2009 que non conta con gasto na área 0 destinada a financiar a débeda pública, xa que o ano pasado se liquidou o único crédito bancario que tiña pedido o concello de Boqueixón.

Por áreas de gasto, a área 1 destinada a garantir a prestación de servizos básicos conta cun orzamento de 1.617.000 euros. A segunda área de gasto, a de actuacións de protección e promoción social ascende a 716.00 euros e a terceira de bens públicos de carácter preferente, que engloba cultura, educación ou deportes conta con 276.000 euros.

Boqueixón destina a promoción económica un orzamento de 88.500 euros, e 557.000 euros as actuacións de carácter xeral e económico, que inclúe a administración municipal, está dotada con .

En canto aos investimentos reais, o concello prevé executar proxectos por valor de 646.000 euros. Ademais das obras de mantemento das vías e demais infraestrutura municipal, destaca a adquisición do edificio da antiga Cámara Agraria, situada en fronte ao concello.

No estado de ingresos, o orzamento de Boqueixón para 2016 prevé recadar por impostos directos un total de 790.000 euros. Estes son os que gravan os vehículos, as vivendas, as fincas e a actividade económica. Por impostos indirectos ingresaranse 35.000 euros, a través do imposto sobre construcións, instalacións e obras.

A través das taxas e prezos públicos recadaranse 370.000 euros, que inclúen os recibos do servizo de abastecemento, e a través de transferencias correntes, que son as subvencións doutras administracións, 1.450.000 euros. Por último, as transferencias de capital do Estado contemplan ingresos de 605.000 euros e os intereses das contas municipais 2.000.

Share.

Comments are closed.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies
Social media & sharing icons powered by UltimatelySocial