Turces, outra parroquia de Touro que se moviliza contra a mina

0

Touro, 4 de xuño do 2018 – Os veciños de Touro seguen mobilizándose contra o proxecto mineiro, ademais da Plataforma, a Asociación Aldea Viva e os veciños de Cornado agora a parroquia de Turces tamén mostra a súa oposición.

Este domingo os veciños de Turces organizaron unha xuntanza para expresar “o noso rexeitamento ó proxecto mineiro que pretenden abrir en Touro e O Pino”. Nun comunicado explican que a finalidade do encontro foi analizar os riscos máis directos ós que quedaría exposta a parroquia, tales como a nova liña de alta tensión que abastecería as instalacións dende a Subestación de Portodemouros, ou a presenza de nubes de po en suspensión xeradas pola actividade mineira, que poderían alcanzar, facilmente, un radio duns 15km de expansión.

A través dunha recollida de firmas, e da distribución dunha serie de pancartas que lucirán a partir de agora nas fachadas das casas de diversas aldeas, quedou á vista o rexeitamento xeneralizado da veciñanza de Turces a este proxecto. O grupo está a organizarse xa para participar na manifestación que terá lugar o vindeiro domingo día 10 de xuño en Santiago, á que acudirán “en representación de todos aqueles que queren seguir apostando por un concello de Touro sostible e libre de contaminación”.

Share.

Comments are closed.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies
Social media & sharing icons powered by UltimatelySocial