Unha charla lembra a eclipse que comezou a fundamentar as teorías de Einstein

0

Compostela, 29 de maio do 2019 – Pasaron cen anos desde que tivo lugar o eclipse que demostrou por primeira vez unha das propostas da Teoría da relatividade de Einstein e a USC organiza unha charla sobre este feito referencial da física moderna.

As sete e media de esta tarde, no Centro ABANCA Obra Social, o profesor da Universidade de Santiago e investigador do Instituto Galego de Física de Altas Enerxías (IGFAE) José Edelstein ofrecerá unha conferencia sobre ese eclipse de sol e o que significou para o traballo de Einstein.

Newton versus Einstein

O 29 de maio de 1919 estaba previsto unha eclipse total de Sol que sería visible desde Brasil e África, segundo predicían as ecuacións de Isaac Newton. A súa lei da Gravitación Universal dominaba a física do momento, pero entraba en conflito coa Teoría da Relatividade Xeral de Albert Einstein, que propoñía que a luz desviaba a súa traxectoria ata o dobre ante a presenza dun obxecto moi masivo debido á curvatura do espazo. Ante a falta dunha evidencia experimental, o astrónomo británico Arthur Stanley Eddington liderou un experimento: utilizar a eclipse de 1919 para fotografar as estrelas que se atopaban ao redor do disco solar antes e durante o evento e así comprobar se se producía a deflexión ou desviación da súa luz ao pasar preto do Sol.

Grazas ao escurecemento do ceo durante a totalidade da eclipse, os dous equipos ingleses que formaron a expedición científica puideron comprobar meses despois, ao revelar as placas fotográficas, que a posición dalgunhas desas estrelas se alterara. A súa luz, no canto de viaxar en liña recta, desviouse lixeiramente ao pasar preto do campo gravitacional do Sol.

Nesta conferencia, José Edelstein relatará a historia de como Newton quedou eclipsado definitivamente por Einstein, quen se converteu na celebridade mundial que perdura xusto un século despois.

Share.

Comments are closed.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies
Social media & sharing icons powered by UltimatelySocial