займ срочно

Unha exposición do fotógrafo Gustav Henningsen mostra no Museo do Pobo Galego á Galicia máis máxica

0

Compostela, 29 de maio do 2019 – Desde esta tarde poderase ver no Museo do Pobo Galego a mostra ”Galicia máxica. Romarías e santuarios”, unha recopilación de fotografías etnográficas do danés Gustav Henningsen realizadas entre 1965 e 1968.

Gustav Henningsen, doutor en antropoloxía, chegou a Galicia no ano 1965 cunha bolsa da Universidade de Copenhague, co fin de investigar para a súa tese doutoral, crenzas e tradicións vinculadas á historiografía da bruxería. Durante tres anos, xunto a súa muller Marisa, percorreu pobos e aldeas, achegándose a todo tipo de ritos e prácticas ancestrais, que recompilou nunha valiosa documentación fotográfica e oral, recollida coa axuda dunha cámara e un básico magnetófono.

Continuación da mostra de hai 4 anos

No ano 2015, o Museo do Pobo Galego dedicou unha mostra e unha documentada publicación a este acreditado folclorista danés, con imaxes realizadas na comarca de Ordes, e tituladas Galicia máxica: reportaxe dun mundo desaparecido. Fotografías etnográficas 1965-1968.

Esta nova cita, dando continuidade á anterior, está encabezada polo epígrafe Galicia Máxica, e aplícase a amosar en máis de oitenta fotografías os santuarios e romarías galegos máis significativos. No inventario fotográfico de Henningsen, contémplanse os dous ámbitos que motivan as romarías como espazo para o sacro e o profano. Os dominios milagreiros coas procesións, as propiedades sanadoras, as ofrendas e exvotos, as poxas na Lanzada… acábanse por entrecruzarse cos festexos ao aire libre, as reunións e animadas celebracións festivas.

Horarios

A mostra pódese ver ata o domingo 22 de setembro co seguinte Horario: de martes a sábado, 10:30-14:00 e 16:00-19:30

domingos e festivos, 11:00-14:00

Share.

Comments are closed.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies