займ срочно

Unha iniciativa empresarial da USC premiada no concurso Innovatia 8.3

0

Compostela, 9 de outubro do 2018 – O Instituto da Muller e para a Igualdade de Oportunidades e a USC entregaron en Madrid os premios da primeira edición do Concurso Innovatia 8.3. ás iniciativas empresariais HGBeyond e Frame, as dúas lideradas por mulleres e creadas co apoio das súas universidades, as de Santiago de Compostela e Carlos III de Madrid. Os galardóns entregáronos a secretaria de Estado de Igualdade, Soledad Murillo de la Vega, e o reitor da USC, Antonio López Díaz.

HGBeyond, gañadora na modalidade de iniciativa empresarial de base tecnolóxica, xurdiu en 2015 como unha spin-off da USC para explotar e comercializar resultados relevantes do grupo de Investigación I+D Farma e desenvolver solucións biosanitarias, con aplicación directa na industria oftálmica. Concretamente, desenvolve lentes de contacto con capacidades extraordinarias de liberación controlada de substancias activas para tratar enfermidades do segmento anterior do ollo, tales como procesos inflamatorios e de alerxia, ademais de glaucoma ou enfermidades relacionadas coa diabetes. Este premio está dotado con 10.000 euros e asesoramento personalizado durante seis meses por unha profesional referente no sector.

A secretaria de Estado de Igualdade, Soledad Murillo de la Vega, e o reitor da USC, Antonio López Díaz.

Pola súa parte, na categoría de Startup, cun premio de 7.000 euros e asesoramento de tres meses, a galardoada foi Frame, nada no seno da Universidade Carlos III de Madrid. As súas promotoras desenvolveron un sistema de drons equipados con intelixencia artificial, listos para despegarse tras calquera catástrofe, que se coordina autonomamente durante o voo para rastrear unha zona afectada. O resultado é un mapa pos-desastre no que se indican as vías de evacuación, os cambios nas infraestruturas e os núcleos de poboación afectadas, permitindo aos equipos de emerxencia elaborar un plan de evacuación de vítimas eficiente.

USC pioneira

As dúas iniciativas foron elixidas de entre un grupo de finalistas no que ademais figuraban Applynano Solutions S.L. (Universidade de Alacante) e Tastelab S.L. (USC), na modalidade de Base Tecnolóxica, e Minervas Voice, S.L. (USC) e Mundoarti Global SL: Competicións de arte (Politécnica de Valencia), na de Startups.

Todas as súas responsables asistiron esta mañá á cerimonia de entrega de premios na sede da Secretaría de Estado de Igualdade, na que o reitor compostelán lembrou que a USC foi pioneira en España na súa aposta polo apoio ao emprendemento das mulleres, “sabendo que son maioría nas aulas e que son xeradoras dos mellores expedientes académicos formando un capital intelectual que a sociedade non debe desaproveitar”. A este respecto, subraiou que a USC lidera Innovatia 8.3, un movemento de ámbito estatal para integrar a perspectiva de xénero nos procesos de transferencia de coñecemento e de creación de empresas de base tecnolóxica “que dará valor ao coñecemento visibilizando as mulleres nas universidades”.

Innovatia 8.3.

Innovatia 8.3 (Innovación+Tecnoloxía/Coñecemento=Mulleres 8 de marzo) é un programa dirixido a fomentar o empresariado feminino no ámbito científico-tecnolóxico e a crear un modelo de intervención que elimine a brecha de xénero existente neste sector. Entre unha das súas accións, este programa convocou o concurso que, co financiado polo Fondo Social Europeo, hoxe entregou os seus premios e ao que se presentaron 14 iniciativas da primeira categoría e 24 da de startups, con representación total de 21 universidades españolas.

Share.

Comments are closed.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies