A Baña, 16 de xullo do 2018 – O alcalde da Baña, Andrés García Cardeso, recibiu esta semana ao presidente da Unión Barcalesa na Habana, Manuel Rodríguez Barreiro.
Manuel Rodríguez aproveitou a súa visita ao Concello da Baña para entregar os xustificantes da achega que o propio rexedor lle entregara durante a súa recente visita á Habana para colaborar co mantemento do panteón social da Unión Barcalesa no cemiterio de Colón.
A comisión de goberno bañense acordara concederlle mil euros ao colectivo de emigrantes ou descendentes de emigrantes para conservar o seu patrimonio no país caribeño.
Ao mesmo tempo Rodríguez Barreiro tamén lle presentou ao alcalde bañense o proxecto que está deseñando a Unión Barcalesa na Habana para dixitalizar as actas da sociedade.
