Un dos libros que recibe o Fondo Antigo da USC e o “Illustrium Contrioversiarun Aliarunque Usu Frequentium” que data de 1599 e do que hai apenas 3 exemplares en España.
Santiago de Compostela, 19 de novembro do 2016 – Un libro con máis de 400 anos é, en si mesmo, unha xoia, se o seu estado de conservación é bo é algo excepcional e se ademais non existen apenas exemplares é case un milagre; se lle sumamos que o dono de libros con esas características é capaz de desfacerse deles atopámonos ante un feito extraordinario.
Modesto Seara (Allariz, 1931) é o iniciador e deseñador do Sistema de Universidades Estatais de Oaxaca, que conta neste momento con 17 campus de dez universidades que cobren a totalidade do territorio de Oaxaca: Universidad Tecnológica de la Mixteca, Universidad del Mar, Universidad del Istmo, Universidad del Papaloapan, Universidad de la Cañada, Universidad de la Sierra Juárez, Universidad de la Sierra Sur, Universidad de la Costa, Universidad de Chalcatongo y NovaUniversitas. Como xurista atesora valiosos documentos ou libros como os que decidiu ceder a biblioteca da USC. É moi recomendable ler a súa biografía moi vinculada á situación que viviu España e Galicia nos últimos 40 anos.
Unha das obras cedidas é o Illustrium Contrioversiarun Aliarunque Usu Frequentium (1599), de Fernando Vázquez de Menchaca, un dos xurisconsultos máis importantes da súa época, enviado ao Concilio de Trento por Felipe II. A Biblioteca Universitaria ten varias obras deste autor, pero non esta edición en concreto.
Tampouco forma parte do fondo da USC a edición de 1613 de Le Legibus, de Francisco Suárez, autor da outra obra tamén do mesmo ano -Defensio fidei Catholicae et apostholicae adversus Anglicanae Sectae Errores- da que a USC si conserva un exemplar. Francisco Suárez foi teólogo, filósofo e xurisconsulto, considerado o principal mestre da Compañía de Xesús na España do seu tempo. Demasiado moderno por algúns, o Papa Paulo V convidouno para refutar o libro de Jacobo I de Inglaterra escrito contra Belarmino.
A última obra que Modesto Seara incluirá na doazón é Vocabularium Utriusque Juris (1591), de Alexander Scot, da que a USC non ten ningún exemplar
As voces
Quixemos coñecer o valor de estes libros na voz dunha experta como a directora da Biblioteca Universitaria Mabela Casal
Por outra banda conversamos uns intres con Modesto Seara, alguén que pese aos seus máis de 80 anos segue a ter unha mente lúcida sobre todo o que vivíu e esta a vivir.