V Mostra de Teatro nos Centros Cívicos de Compostela

0

Compostela, 12 de xuño do 2019 –  Santiago ten unha importante actividade de teatro amador nos centros cívicos que desde o día 17 será mostrada no Teatro Principal.

O traballo nos centros cívicos da cidade esta formada este ano a 15 montaxes. Do 17 ao 22 presentaranse os traballos dos clubs de teatro do Ensanche, O Romaño, Castiñeiriño, A Rocha, Santa Marta, Fontiñas e Conxo.

A concelleira de área, Concha Fernández presentou esta V Mostra de Teatro acompañada polo coordinador, o director teatral Xurxo Barcala. A concelleira salientou que este certame “supón unha grande oportunidade para todas as persoas que integran os grupos de teatro afeccionado xurdidos nos barrios e parroquias de Compostela, que poden mostrar o seu traballo no escenario máis emblemático de Santiago”.

SONY DSC

Concha Fernández apuntou que “aínda que o certame comezou en 2015, as primeiras edicións desenvolvéronse nos centros cívicos de Santa Marta e Vite, e foi en 2017 cando se deu un salto cualitativa na Mostra co seu traslado ao Principal”. Na edición do ano pasado, participaron oito centros, con case 100 integrantes; e nesta edición vanse superar esas cifras, con 11 clubs de teatro e 143 integrantes. En total, nas cinco edicións do certame terán participado máis de 550 persoas.

Pola súa banda, Xurxo Barcala mostrou o seu desexo de que a Mostra se manteña e se reforce no Teatro Principal porque “nestas edicións vimos que ten un carácter motivador para as persoas que fan teatro nos centros cívicos, que dignifica o seu traballo, e que supón un importante punto de encontro para os grupos e para os públicos”.

Programación

A V Mostra de Teatro dos Centros Cívicos arrincará o luns 17 de xuño cunha sesión de teatro infantil ás 18:00 horas, na que se poderán ver as propostas dos clubs de teatro infantil do Castiñeiriño, A historia de Jack Esparrago; e do Ensanche, O secuestro da bibliotecaria. Na sesión das 21:00 horas, xa para adultos, actuarán o Club de Teatro do Ensanche, que presentará Monstros; e o da Rocha, con A touro pasado.

O martes 18 de xuño haberá unha única sesión ás 21:00 horas, na que participarán o Club de Teatro do Romaño, coa montaxe Desastroso; e o Club do Castiñeiriño, con Cuadros de amor y humor al fresco. Ao día seguinte, regresará o teatro infantil na sesión das 18:00 horas. Os clubs de teatro infantil de Conxo representarán ata tres montaxes: Os tres porquiños, A historia verdadeira de excelente da consentida e belida dormente, e Mórdeme. Completará a sesión o Club de Teatro de Santa Marta, con Veredicto.

O xoves 20 de xuño haberá novamente dobre sesión: ás 18:00 horas para os nenos e nenas, con A maxia branca, maxia negra, do Club de Teatro Infantil de Fontiñas; e ás 21:00 horas, dende o mesmo centro cívico, coas obras para adultos A praga e Trifurca. O venres 21 de xuño poderase ver unha única montaxe, ás 21:00 horas, Amores, do Club de Teatro do Centro Xove da Almáciga; e a mostra pecharase o sábado 22 de xuño coa peza Un alto no camiño, do Club de Teatro de Vite, a partir das 21:00 horas.

Share.

Comments are closed.

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies
Social media & sharing icons powered by UltimatelySocial