Vedra, 2 de xuño do 2020 – O concello de Vedra traballa para converterse nunha Smart Rural Village, unha iniciativa europea pensada para as vilas máis pequenas.
O proxecto ao que Vedra presentase como candidata leva por nome Smart Rural 21: estratexias para pobos de Europa e da España baleira. En el seleccionaranse 17 municipios rurais de toda Europa que recibirán asesoramento e apoio técnico. O obxectivo desenvolver estratexias intelixentes que solucionen na medida do posible os retos do rural no século XXI.
Dous anos e medio
O proxecto terá unha duración de dous anos e medio. Durante ese tempo deseñaranse e dotarase aos participantes de metodoloxías e ferramentas para a implantación de estratexias integrais e participativas. Tamén se fomentará o intercambio de coñecementos transnacionais que promovan o éxito das experiencias piloto “smart village”, todo isto coordinado polo grupo E40 e apoiado pola Comisión europea.
Ata este momento foron preseleccionados 5 pobos de Irlanda, Finlandia, Francia, Grecia e a República Checa. Vedra presenta a súa candidatura coa convicción de presentar as características idóneas para converterse nun “pobo intelixente”.