Vedra, 10 de xaneiro do 2020 – Pouco máis de mes e medio é o que queda para o Entroido e Vedrao prepara abrindo unha escola de Xenerais e Correos.
Trátase dunha iniciativa que busca que os rapaces de 6 a 16 anos se impliquen na cultura do Entroido e se convertan en Xenerais ou Correos preparando o seu propio atranque para finais de febreiro.
Unha tradición con máis de cen anos
Os Xenerais e Correos do Ulla ten referencias documentais nos anos 70 do século dezanove. Xenerais e Correos van vestidos como militares daquela época e montan en cabalos tamén adornados.
As comparsas os acompañan percorrendo os lugares do concello e deténdose en distintos sitios para proceder aos chamados Atranques ou Altos. Son enfrontamentos verbais nos que a burla sobre o acontecido ao longo do ano é o compoñente principal.
Inscricións
As inscricións para participar están reservadas a rapaces de 6 a 16 anos como xa explicamos. Hai que anotarse no Departamento de Cultura de Vedra, no correo cultura@concellodevedra.com ou no teléfono 981814691.