Vedra, 17 de agosto do 2018 – Un ano máis a parroquia de San Pedro de Vilanova vive as festas do Santiaguiño ata o próximo domingo e hoxe os protagonistas serán os espantallos.
As festas de San Pedro de Vilanova comezaron onte cunha gran sardiñada e continuaran ata o próximo domingo. O campo da Festa do Santiaguiño será o protagonista esta tarde da novena Concentración de Espantallos, un concurso con gran tradición que entegará os premios aos 3 mellores.
Mañá sábado será o día dedicado a competición deportiva cunha Carreira Pedestre Infantil que ten como complemento a música e os inchables que porá a Asociación de Veciños de Vilanova.
Chegamos ao domingo 19 no que San Pedro de Vilanova celebra a XII Ruta Cabalar do Santiaguiño que rematará nun xantar amenizado por un dúo musical.
As festas terán o remate na vindeira fin de semana. O próximo venres 24 haberá verbena coas orquestras Atenas e Deluxe. O sábado 25 será o remate con distintos concertos como o da Banda de Música de santa Cruz, que actuará trala misa da unha e media, e os das orquestras Revolution e Cinema.