Vedra, 30 de setembro do 2019 – O GDR Terras de Compostela continua coa formación complementaria das empresas que aspiran á homologación SICTED de Calidade turística en destino e faino cun taller de redes sociais.
Impartido por Javier Vázquez Rodríguez (Enxeñeiro informático) celebrarase o próximo día 3 de outubro, de catro e media a sete e media da tarde, no Centro de Formación de Aldea Nova, no concello de Ames.
Esta xornada complementa á que tivo lugar este luns, sobre a lei de Protección de datos Europea, e a que terá lugar o día 8 sobre socorrismo e primeiros auxilios.
Uso estratéxico
Nesta formación os alumnos poderán coñecer as distintas redes sociais, desde Facebook a Twitter ou Instagram, pasando polo papel do Comunity Manager.
Tamén se mostrarán unha serie de exemplos prácticos de bo uso das redes sociais como vantaxe estratéxica para os negocios.
As inscricións están abertas no teléfono 981818357 ou no correo electrónico info@terrasdecompostela.org .
Esta xornada esta organizada polo GDR Terras de Compostela e conta co apoio da Xunta de Galicia, o Ministerio de Agricultura, Pesca e alimentación e o Fondo Europeo de Desenvolvemento Rural, FEADER, e a colaboración do Concello de Ames.