Vedra, 4 de outubro do 2018 – O concello de Vedra acollerá as próximas tres concentracións da Selección Galega de Rugby Sub 18 que se prepara para xogar o campionato de España de Seleccións autonómicas de Rugby XV (CESA XV).
A Selección Galega preparase baixo as ordes do adestrador arxentino Ernesto Barboza e de Jos Porto Matogueiras, Director Deportivo da Federación Galega. As próximas concentracións terán lugar o 13 de outubro e o 10 e 24 de novembro nos campos de fútbol do Concello de Vedra de O Coto e San Mamed.
A primeira das concentracións, a do 13 de outubro, farase no campo do Coto en Santa Cruz de Ribadulla das 10 ás 15 h., un adestramento que será de portas abertas para que todos os veciños interesados poidan achegarse ao campo.
A Federación Galega de Rugby agradece o apoio recibido por parte do Concello de Vedra e do Club Escolas Deportivas de Vedra.
