Vedra, 16 de xuño do 2018 – As 200 trampas instaladas no concello de Vedra en colaboración coa veciñanza leva xa máis de 15.000 raíñas de velutina capturadas.
A iniciativa tivo como protagonistas as camelias que serviron de gancho para as raíñas. A campaña “unha camelia, unha trampa” comezou a finais de febreiro e logrou capturar na primeira semana mais de 2500 raíñas. As fundadoras saían da hibernación e atraídas pola flor das camelias caían nas trampas
A loita contra a vespa velutina en Vedra levase a cabo dende que hai 3 anos apareceron os primeiros niños e intensificouse durante o ano pasado no que se chegaron a capturar e desactivar case 400 niños primarios e secundarios desta especie invasora que pretende instalarse definitivamente no val do Ulla atraída polo clima tan favorable, a abundancia de auga, froita e masa arbórea.
Na campaña de trampeo de primavera, que agora remata, o Concello entregou trampas e líquido atraínte aos veciños cos que capturar as raíñas. Esta práctica repetirase no outono para capturar as fundadoras xa fecundadas antes de comecen a hibernación.
O Concelleiro Enrique Vázquez considera esta campaña un éxito, tanto polo número de vespas capturadas coma pola colaboración veciñal obtida froito da sensibilización con este problema que afecta a todos.