Compostela, 25 de xullo do 2017 – Cando se cumpren catro anos da catástrofe do tren Alvia as vítimas e os familiares manifestáronse en Compostela pedindo xustiza.
A marcha partiu da estación de ferrocarril e chegou ata o Obradoiro. Contaba co apoio do concello de Santiago en virtude dunha moción aprobada no último pleno da corporación.
Na marcha participaban representantes de tódalas forzas política excepto o Partido Popular, de feito o portavoz Agustín Hernández marchaba do concello pouco antes de que chegaran a praza os manifestantes e sen querer facer declaracións.
Xa no Obradoiro a Plataforma de vítimas leu un manifesto no que esixen xustiza e a constitución dunha comisión técnica independente tal e como recomendou a Unión Europea.