Ordes, 25 de xaneiro de 2019. A veciña de Ordes Xiana López Fernández, do club SASA, ven de recibir as felicitacións do concello tras proclamarse campioa galega alevín de salvamento.
Os campionatos galegos de salvamento están organizados pola Federación de salvamento e socorrismo de Galicia. A Federación é a responsable tamén do resto de probas como a liga galega, probas que se disputan en diferentes categorías tanto en piscina, augas pechadas, como en praias, augas abertas.
Xiana López conseguiu o seu título na proba de 50 metros remolque de manequín con aletas no Campionato Galego de Inverno de Salvamento. A proba disputouse na piscina Carballo Calero (Carballo).
