Negreira, 28 de xullo do 2018 -A finais de xullo era presentada a decimo segunda edición da Feira do Románico de Negreira que este ano terá lugar do 24 ao 26 de agosto, adiantándose unha semana as datas habituais.
O cambio de data da Feira do Románico obedece as recomendacións da empresa organizadora tal e como explicaba o alcalde Jorge Tuñas (na imaxe superior)
Na doceava edición seguirase intentado coidar a ambientación ao máximo aínda que é algo que non depende só da organización se non que require da implicación de todos
Outra das teimas dos últimos anos foi a convivencia entre veciños, hostaleiros e artesáns. Os que o último ano tiveron unha peor actitude xerando ruído e molestias non contarán en esta edición co apoio do concello
A Feira
Para quen queira coñecer o municipio baixo tan traballado ambiente, a organización está a deseñar un completo programa de actividades e espectáculos para todas as idades, que abarcan desde obradoiros a música en vivo pasando por unha ampla variedade de actividades lúdicas. Entre os maiores atractivos da feira destaca o mercado, que se espera que creza en número de participantes, pero tamén haberá representacións teatrais, pasarrúas con seres doutras épocas, ademais da presenza de grupos de música encargados de poñer banda sonora á feira e que asegurará o bo ambiente. Dende o Concello animan a todos os veciños que empecen a elaborar os seus traxes medievais e que eses tres días se vistan e colaboren con este evento para que cada ano medre en popularidade.
Descarga xa o programa completo
programa feira do romanicoWyrdamur será un dos grupos invitados a XII Feira do Románico de Negreira