IX Xornada Formativa de Mel de Galicia

0

Boqueixón, 12 de abril do 2018 – O vindeiro sábado 14 de abril o Salón de Graos do Centro de Formación e Experimentación de Sergude acollerá a IV Xornada Informativa de Mel de Galicia, impulsada polo Consello Regulador do ouro doce galego.

Na xornada orientarase aos presentes sobre as obrigas e requisitos a cumprir polos inscritos na IXP Mel de Galicia, as axudas para os novos produtores acollidos, a hixiene dentro da produción apícola e a importancia da imaxe e do packaging na comercialización do mel. As Xornadas Informativas estarán especialmente destinadas aos profesionais da apicultura, así como aos envasadores involucrados neste sector en pleno auxe. A entrada ás conferencias será libre e de balde.

De forma pormenorizada, destacar que ás 10 horas terá lugar a apertura da IV Xornada Informativa da man de Dna. Mª Ester Ordóñez Dios, Presidenta da CRIXP Mel de Galicia. Posteriormente, ás 10.30 horas, a guía práctica para o inscrito e a promoción do Consello Regulador será o centro da segunda intervención, a cargo de Dna. María de Diego Roldán e Dna. Beatriz Ríos Cebreiros, Secretaria e Técnica respectivamente do CRIXP Mel de Galicia. Ás 11.15 horas arrancará a intervención de D. Gerardo Rivero Cuesta, Xefe do Servizo de Seguridade Alimentaria nas Producións Gandeiras, co fin de informar aos asistentes sobre todos os requisitos hixiénicos, os rexistros e as operacións necesarias para a produción primaria. Tras unha breve pausa prevista para ás 12 horas, ás 12.30 dará comezo a conferencia de Dna. Elvira Furelos Ferreirós, Directora da Axencia

Naranjalimón Branding 360º, quen orientará aos presentes sobre a importancia da imaxe e do packaging coma estratexia de marketing, de cara a profesionalizar un sector en pleno auxe que ten que adaptarse ao devir dos novos tempos, á competencia e á presenza das novas tecnoloxías da comunicación. Finalmente, o evento clausurarase ás 13.30 horas.

Desde a CRIXP Mel de Galicia animan á participación, lembrando que a apicultura moderna constitúe unha posibilidade de negocio sostible e real que goza dunha saúde envexábel.

Share.

Leave A Reply

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies